Монгол улс

Монголын хүн амын хоол тэжээлийн байдал - 2010

sample survey data (SSD)

“Монголын хүн амын хоол тэжээлийн байдал - 2010”

“Монголын хүн амын хоол тэжээлийн байдал 2010” судалгаа нь Монгол Улсыг бүхэлд нь хамарсан үндэсний хэмжээний, хот, хөдөө, бүс (баруун, хангай, төв, зүүн, Улаанбаатар)-ийн хэмжээнд зохион байгуулагдсан юм.

Өрхөд байнга оршин суудаг хүмүүс өрхийн асуулгад хамрагдсан бөгөөд ганцаарчилсан ярилцлагад 15-49 насны эмэгтэй, 5 хүртэлх насны хүүхдийн асрамжлагч, 7-11 насны хүүхэд хамрагдсан болно.

2014-05-20

Хувилбар 1.0

DDI-MNG-NCPH-ХТҮС-2010-v1.0

Нэг агшны энэхүү судалгааг Монгол Улс (МУ)-ын эдийн зэсгийн 4 бүсийн 21 аймаг, Улаанбаатар хотыг хамруулан зохион байгуулсан. Судалгаанд хамрагдах өрхийг сонгохдоо орон нутгийн засаг захиргааны нэгжээс ирүүлсэн өрхийн шинэчилсэн бүртгэлд тулгуурлан санамсаргүй түүврийн аргаар сонгосон. Эдийн засгийн 4 бүс, Улаанбаатар хотоос тус бүр 400, нийт 2000 өрхийг санамсаргүй түүврийн аргаар сонгож тухайн өрхөд амьдарч буй хоол тэжээлийн дуталд өртөмтгий бүлгийн хүн амыг судалгаанд хамруулсан. Ингэхдээ хоол тэжээлийн дуталд өртөмтгий, эрсдэлт бүлэг болох бага насны хүүхэд, жирэмсэн эмэгтэйчүүд, төрөх насны эмэгтэйчүүдийн хоол тэжээлийн байдлаар тухайн орны нийт хүн амын хоол тэжээлийн байдлыг үнэлдэг олон улсын аргачлалыг баримталсан юм. Түүнчлэн хүн амын дундах иод дутлын эмгэгийн тархалтын түвшинг тогтоохдоо иодын дуталд өртөмтгий байдал, хүртээмж зэргийг харгалзан 7-11 насны сургуулийн хүүхэд болон жирэмсэн эмэгтэйчүүдийг хүн амын төлөөлөл болгон сонгон судалдаг олон улсын аргачлалыг ашигласан болно.

Судалгааны түүврийн нэгжийг сонгохдоо олон шатлалт бүлгээр, санамсаргүй түүвэрлэх аргыг ашигласан. Эдийн засгийн 4 бүс болон Улаанбаатар хотоос “Хүүхэд хөгжил -2010” судалгаанд сонгогдсон 420 түүврийн нэгжээс 125 түүврийн нэгжийг сонгож (Хүснэгт 1) авсан. Түүврийн нэгж нь орон нутагт баг, Улаанбаатар хотод хорооны хэсэг (бүс нутаг бүрээс 25 түүврийн нэгж) байв. Сонгогдсон нэгж бүрийн нийт өрхийн жагсаалтаас судалгаанд хамрагдах 25 өрхийг санамсаргүйгээр сонгон судалгаанд хамруулсан юм.

Face-to-face [f2f]

Хоол тэжээлийн үндэсний IV судалгааны мэдээлэл цуглуулах ажлыг 21 аймгийн орон нутгийн засаг захиргааны нэгж, Эрүүл мэндийн газар, Дүүргийн эрүүл мэндийн нэгдлүүдтэй хамтран НЭМХ-гийн Хоол судлалын төв удирдан зохион байгуулсан. Мэдээлэл цуглуулах ажлыг 5 хүний бүрэлдэхүүнтэй 8 баг хийж гүйцэтгэсэн болно. Судалгааны мэдээлэл цуглуулах ажлыг 2010 оны 7 сарын 19-өөс 9 сарын 25-ны хооронд зохион байгуулсан.

Судалгааны мэдээлэл цуглуулах ажлын үр дүнд 706 бага насны хүүхэд, 7-11 насны 1207 хүүхэд, 975 жирэмсэн эмэгтэйчүүд, 1488 төрөх насны эмэгтэйчүүдээс эрүүл мэнд, хоол тэжээл, бага насны хүүхдийн хооллолт, гэр бүл төлөвлөлт ба жирэмслэлтэд бэлтгэх, баяжуулсан хүнсний хэрэглээний талаар судалгаа авсан болно. Түүнчлэн судалгаанд хамрагдсан 988 өрхийн баяжуулсан хүнс (иоджуулсан давс, баяжуулсан гурил)-ний хэрэглээг үнэлэхэд шаардлагатай зарим мэдээллийг асуумжийн аргаар цуглуулж, баяжуулсан гурил, иоджуулсан давсны хэрэглээг лабораторийн шинжилгээний аргаар үнэлэх зорилгоор дээж цуглуулсан юм.